BE, sanksione ndaj presidentit sirian
23/05/2011 16:00
BE ka vendosur për herë të parë sanksione ndaj presidentit sirian Bashar al Assad, për ta detyruar atë që të ndalojë reagimet e dhunshme ndaj protestave të qytetarëve.
Ministrat e Jashtëm kanë rënë dakord në një takim në Bruksel për ta futur Assad dhe 9 zyrtarë të tjerë në listën e personave që u ndalohet udhëtimi dhe që duhet t’u ngrijnë asetet.
Deri tani Bashkimi Evropian ka vendosur sanksione ndaj vëllait të presidentit, katër kushërinjve të tij dhe disa njerëzve të afërt.
Ditën e shtunë pesë persona u qëlluan për vdekje teksa po merrnin pjesë në varrimin e disa viktimave që kishin humbur jetën në protestat anti-qeveritare të së premtes.
Top Channel