Tiranë, sulmohet argjendaria në qendër
24/01/2011 18:00
Dy persona kanë tentuar paraditen e sotme të grabisin një argjendari në qendër të kryeqytetit, por pa ia arritur qëllimit.
Lajmin e bëjnë të ditur burime policore zyrtare, sipas të cilave dy personat kanë hyrë në një argjendari tek rruga e Durrësit.
Sipas burimeve, ata kanë goditur disa herë me mjete të forta punonjësen e dyqanit, për shkak se ajo ndezi sinjalin e alarmit.
Kjo ka bërë që drejt vendit të ngjarjes të nisen uniformat blu, ndërkohë që hajdutët janë detyruar të largohen.
Burimet shtojnë më tej se agjentët e policisë po hetojnë për identifikimin dhe kapjen e dy grabitësve.
Top Channel