Papa: Nazizmi ishte mohim i humanizmit
16/09/2010 13:55
Spanja nuk i do më turistët! Shpërthejnë protestat në ishujt Kanarie: Është skandaloze! Kemi tre herë më shumë turistë se çdo vend i botës 07/05 15:27
Britania e Madhe iu kundërvu një tiranie naziste që kishte në shpirt crrënjosjen e Zotit nga shoqëria.
Deklarata është bërë nga ati i shenjtë Papa Benedikti XVI, i cili vetëm pak më parë zbriti në aeroportin e Edinburgut, në Britaninë e Madhe.
“Nazizmi mohonte humanizmin tonë të përbashkët, sidomos hebrejve, të cilët i konsideronte si jo të denjë për të jetuar”, është shprehur Papa pas takimit me mbretëreshën Elisabeth.
Nga ana e saj, monarkja është shprehur se, “liria e besimit është themel i shoqërisë sonë. Duhet një besim reciprok më i madh mes besimeve të ndryshme”.
Kjo është vizita e parë që bëhet në Mbretërinë e Bashkuar nga një at i shenjtë, që pas asaj të zhvilluar në vitin 1982 nga Gjon Pali i dytë.
Gjithashtu, kjo vizitë mund të përcaktohet edhe si e para zyrtare, pasi Papa është thirrur nga mbretëresha dhe jo nga kisha.
Top Channel
