Marrëveshja e Ohrit, Meta letër Milloshoskit
16/08/2010 21:00
Kukës, bie prodhimi i mjaltit! Kanë ndikuar kushtet e motit dhe sëmundjet e bletëve 13/10 12:13
Përvjetori i nëntë i nënshkrimit të Marrëveshjes së Ohrit ishte shkaku i një letre dërguar nga zv/kryeministri dhe Ministri i Jashtëm Ilir Meta për homologun e tij maqedonas, Antonio Milloshoski.
Në letrën e tij kreu i diplomacisë shqiptare thekson se zbatimi i përpiktë dhe në të gjitha nivelet i Marrëveshjes së Ohrit, është baza për qëndrueshmërine e zhvillimin e mëtejshëm të Maqedonisë.
Pasi vlerëson se kjo marrëveshje ka rëndësi të jashtëzakonshme për stabilitetin e Maqedonisë, Meta ripërsëriti se bashkëpunimi mes Tiranës e Shkupit përbën një model të shkëlqyer të marrëdhënieve të fqinjësisë së mirë. Në mesazhin e tij Ministri i Jashtëm shprehu gjithashtu vullnetin për thellimin e metejshëm të marrëdhënieve mes dy vendeve.
Letra përfundon me bindjen e kreut të diplomacisë shqiptare se vetëm vullneti politik pozitiv dhe bashkëpunimi praktik në të gjitha fushat çon të dy popujt në rrugën drejt anëtarësimit europian dhe zhvillimin e qendrueshëm të rajonit.
Top Channel
