Kirgizstan, 170 të vdekurit nga dhuna etnike
15/06/2010 09:25
Nuk ndalet lufta në Ukrainë! Rusia kryen sulme vdekjeprurëse në disa zona 05/05 11:48
Është ngjitur në 170 të vdekur bilanci i konfliktit ndëretnik, në qytetet e Oshit dhe Xhalalabadit, në Kirgizstan.
Lajmin e bën të ditur Ministria lokale e Shëndetësisë, ndërkohë që sipas agjencive të lajmeve ruse numri i viktimave është shumë më i madh.
Tensionimi i situatës në Kirgizstan, mes banorëve të etnisë uzbeke dhe atyre të etnisë kirgize, ka bërë që qeveria e përkohshme të kërkojë ndihmën e Rusisë.
Ndërkohë, numri i të arratisurve për në Uzbekistan mund të arrijë në 100 mijë, ka bërë të ditur i dërguari i posacëm i Kombeve të Bashkuara, Miroslav Jenca.
“Kemi marrë informacione nga autoritetet uzbeke, se numri i refugjatëve që kanë kaluar në territorin e tyre është 75 mijë”, ka deklaruar Jenca.
OKB ka kërkuar gjithashtu hapjen e një korridori për të dërguar ndihma për personat e prekur nga konflikti ndëretnik.
Top Channel
