Bundesliga, Draxler gjithnjë e më larg Wolfsburgut
03/08/2016 00:00
Thomas Brdaric rimerr drejtimin e Vllaznisë, shkodranët synojnë titullin kampion pas 23 vitesh 26/04 13:48
Mjaftoi një vit për të bërë që Julian Draxler të pendohej mbi zgjedhjen e tij sezonin e kaluar. Futbollisti i kombëtares gjermane kishte mundësinë t’i bashkohej Juventusit apo Manchester United, por preferoi të qëndronte brenda Bundesligës, këtë herë duke u spostuar në radhët e Wolfsburgut.
Sot mesfushori teknik, që konsiderohet e ardhmja e “Panzerave”, duket se po i shtrin dorën admiruesve që i kanë mbetur në kontinentin europian. “Dua të largohem nga Wolfsburgu dhe për këtë i kam lajmëruar më parë drejtuesit e klubit, madje dy ditë pas gjysmëfinales ndaj Francës në ‘Euro 2016’”, tha Julian Draxler.
Ai dha edhe të tjera detaje se, ndoshta shtatori nuk do ta gjejë me fanelën e “Ujqërve”, të cilëve i mungon konkurrueshmëria me gjigantët e tjerë të Bundesligës.
“Ka qenë gjithmonë dëshira ime e qartë, që në momentin kur prezantohen mundësi interesante të flisnim përballë, por unë e kam objektivin tim. Dua të largohem nga Wolfsburgu”, tha mesfushori gjerman.
Në këtë mënyrë, pretendentët për kartonin e Julian Draxler rikthehen në garë, me Juventusin në linjën e parë. Kjo për shkak se bardhezinjtë ende nuk dinë datën e rikthimit të saktë të Marchisios dhe me të gjitha gjasat do të humbasin edhe Paul Pogba.
Top Channel
