“Në zemër jam shqiptar”/ Italiani i Kombëtares, Alarico Rossi, tregon ekskluzivisht si drejton sektorin e video-analizës së lojtarëve
29/04 15:56
Manchester City fiton për herë të dytë radhazi Carabao Cup, pasi arriti të mposhtë Chelsean me ndihmën e penalltive, në finalen e luajtur në “Wembley”.
Vetëm pak ditë pas sfidës së kampionatit, kur Manchester City “dërrmoi keq” Chelsean, duke e mposhtur me rezultatin 6-0, të dy skuadrat u përballën sot në për të diskutuar trofeun e Carabao Cup.
Sfida këtë herë ishte e luftuar shumë nga të dy skuadrat, por në të vërtetë munguan rastet e pastra të shënimit, ndaj edhe 90 minutat e kohës së rregullt plus 30 minutat shtesë, përfunduan me rrjeta të paprekura.
Në ekzekutimin e penaltive fati ishte në krah të Cityt, që arriti të konvertojë në gol 4 prej tyre, duke humbur vetëm një me anë të Leroy Sane.
Nga ana tjetër, Chelsea shënoi vetëm 3 nga 5 penalltitë dhe Jorginho e David Luiz ishin ata që gabuan përballë portierit Ederson.
E nëse Manchester City fiton trofeun e parë sezonal, Maurizio Sarri humb edhe një tjetër mundësi për të fituar diçka më Chelsean këtë sezon, teksa tashmë gara e vetme për trofe, ka mbetur në Europa league.
Top Channel
