FBI: Ish-Presidenti Trump u godit vërtet nga plumbi 27/07 07:14
Rezultatet e javës së 34-t të Kategorisë Superiore kanë bërë që tabela e klasifikimit të jetë shumë interesante dy javë para fundit të sezonit të rregullt, ndonëse janë zgjidhur shumë prej verdikteve të saj.
10 gola u shënuan në javën e 34-t të kampionatit Abissnet Superiore. Fitore regjistruan Vllaznia dhe Partizani, që falë sukseseve të sotme siguruan zyrtarisht “Final 4”.
Fitore arritën edhe Laçi dhe Teuta, ndërkohë që u mbyll në barazim 3-3 Erzeni-Kukësi. Rezultat që solli rënien e skuadrës nga Shijaku në Kategorinë e Parë.
Skuadra shkodrane fitoi 1-0 përballë Dinamo Cityt, duel që u vendos nga goli në shtesë i talentit 18-vjeçar Kevin Dodaj.
GOLI I VLLAZNISË
Ndërkohë, “Demat” iu falën golit të vonë të Alfred Mensah për të thyer me të njëjtin rezultat Skënderbeun.
GOLI I PARTIZANIT
Tri pikët edhe për Teutën, që triumfoi po 1-0 përballë Egnatias kryesuese. Artan Jazxhi realizoi golin e fitores për skuadrën durrsake.
Feston edhe Laçi, që mposhti 1-0 Tiranën. Indrit Prodani realizoi golin e fitores për bardhezinjtë e Armando Cungut.
GOLI I LAÇIT
Barazim 3-3 mes Erzenit dhe Kukësit, me shijakasit që sezonin e ardhshëm do të garojnë në Kategorinë e Parë.
Deri në fund të kampionatit kanë mbetur dy javë, që do të prodhojnë garë të fortë për kreun, vendin e dytë, skuadrën e katërt që siguron “Final 4” dhe ekipin që do të luajë në “play-out”.
Top Channel
