Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Që nga momenti kur Kosova u pranua me të drejta të plota në FIFA, përmes një votimi të 13 majit të vitit 2016, askush në qeverinë e futbollit botëror nuk do ta kishte menduar se përfaqësuesja më e re e globit do të kishte kaq shumë progres.
Skuadra e trajnerit Bernard Challandes kryeson në grupin 3 të Ligës D dhe ka mundësi të mira për t’u ngjitur më lart, e pse jo të synojë dhe finalet e Europianit të vitit 2020.
Suksesi i deritashëm i skuadrës tërhoqi vëmendjen e shtëpisë së futbollit, që kishte në fokus “Dardanët” në një reportazh të veçantë. Pas kualifikueseve të Botërorit, që shkuan si mos më keq, tani në Ligën e Kombeve, sipas FIFA-s “Kosova po hedh bazat për një të ardhme të ndritshme”.
?? This dipping finish by Kosovo star Milot Rashica ?#NationsLeague pic.twitter.com/A3Ao4rBjOJ
— UEFA Nations League (@UEFAEURO) October 17, 2018
“Duhet vetëm të kujtoni që ne nuk kishim vërtet me çfarë t’ia nisnim. Federata jonë bëri një punë të mrekullueshme, stadiumi është i mirë dhe kemi ligën tonë. Ne mund të zhvillojmë stilin tonë. Po ashtu mund të futemi në 100 vendet e para të FIFA-s, në muajt e ardhshëm. Ky është objektivi ynë kryesor. Pas kësaj do të vendosim të tjerë”, tha Samir Ujkani, futbollist i Kosovës.
Kosova synon të ngjitet në Ligën C, në formatin e ri të UEFA-s, e nën drejtimin e Bernard Challandes, që zëvendësoi Albert Bunjakun një vit më parë, ka shtuar kuotat e saj dhe ambiciet për një të ardhme të madhe.
Top Channel
