Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Skuadra e vetme shqiptare e mbetur në kupat e futbollit europian, Kukësi ka zhgënjyer në transfertën gjeorgjiane ndaj Torpedo Kutaisit, duke u mposhtur me rezultatin 5-2.
Pjesa e parë e transfertës së ekipit verilindor nisi si mos më keq, me dy gola të pësuar në vetëm çerekorëshin e parë të lojës. Gjeorgjianët shënuan dy herë me Kukianidze, pas neglizhencës së mbrojtjes, por më pas Kukësi rimori lojën në kontroll.
Goli i bukur nga distanca i boshnjakut Harba rihapi ndeshjen, madje skuadra mike shpërdoroi të tjera mundësi shënimi në stadiumin “Mikheil Meski”, me sulmuesin Reginaldo.
Por, ofensiva e Kukësit ishte vetëm një iluzion, pasi gjeorgjianët goditën sërish me Marin dhe Kimadze, duke rënduar ndjeshëm bilancin në kuadratin e Frashërit.
Ndërkohë që edhe pjesa e dytë nuk ka sjellë ndonjë ndryshim në lojën e kuksianëve.
Duhej të vinte minuta e 86, që të shënohej serish në këtë sfidë, ku Tornike Kapanadze çoi shifrat në 5-1. Vetëm dy minuta më pas, Sebino Plaku ngushtoi shifrat në 5-2, duke ekzekutuar saktë një 11-metërsh. Ndeshja e kthimit zhvillohet pas një jave në Shqipëri.
Top Channel
