Vuçiç: UNMIK-u i rëndësishëm për stabilitetin në Kosovë
12/06/2018 08:32
Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Presidenti i Serbisë, Aleksandar Vuçiç, ka folur për rëndësinë që ka UNMIK-u për sigurimin e paqes dhe stabilitetit në Kosovë dhe mbrojtjen e komunitetit serb atje, ndërkohë që është shprehur i shqetësuar, për siç ka thënë, sulmet e shpeshtuara të shqiptarëve mbi serbët.
Në njoftimin e presidencës serbe, thuhet se Vuçiç ka takuar një ditë më parë ndihmës sekretarin e përgjithshëm të Kombeve të Bashkuara për operacione paqësore, Bintou Keita, ku ka përshëndetur bashkëpunimin me UNMIK-un, duke theksuar rëndësinë që ka ky mision për paqen, sigurinë dhe mbrojtjen e komunitetit serb në Kosovë.
Siç thuhet në njoftim, Vuçiç ka shprehur shqetësim për sulmet e shpeshtuara të shqiptarëve ndaj serbëve, për çka i ka dorëzuar një listë të incidenteve që ndodhën në maj të këtij viti, raporton Anadolu Agency.
“Serbia i kushton një vëmendje të veçantë rëndësisë që ka UNMIK-u në Kosovë, meqë gëzon bësueshmëri të lartë te banorët serbë dhe ata joshqiptarë”, ka thënë Vuçiç. Në takim ka qenë i pranishëm edhe shefi i UNMIK-ut, Zahir Tanin.
Top Channel
