Tirana mbetet në dorë të Refik Halilit, Gjykata pezullon ankandin deri në shqyrtimin e çështjes në themel 24/04 12:50
Shkolla e trajningut italian konsiderohet nga më të mirat në botë, për të mos thënë numri 1 mes pankinave. Por pas dështimit të bujshëm për t’u kualifikuar në Botërorin 2018, askush mes emrave të mëdhenj nuk po pranon të ulet në një minë lundruese si stoli i të kaltërve.
Cezare Prandeli e ka provuar më parë presionin që ka trajneri i Kombëtares së Italisë, por edhe pse nuk është përfolur shumë për të marrë drejtimin, duket se joshet nga rikthimi te kombëtarja axurre.
“Kombëtaren nuk mund ta refuzosh dot. Nëse do të rikthehesha pas në kohë, do të pranoja të njëjtën detyrë për 1 mijë herë me radhë. Edhe tani, nëse ma kërkojnë njerëz me një projekt serioz sportiv, mund ta mendoj që të ulem në pankinën e Italisë”, tha trajneri Cezare Prandeli.
Ai nuk i mbylli dyert përfaqësueses, por u tregua më i kujdesshëm kur në diskutim janë klubet e Serisë A. “Në Itali kam bezdisur shumë presidentë dhe drejtues ekipesh”, tha Prandeli.
Top Channel
