Lajmet e Fundit

Lufta me koronavirusin vazhdon, ndërkohë që numri i rasteve të reja dhe viktimave nga Covid-19 rritet dita-ditës.

Në Kinë është dhënë një alarmi i rrezikut për një valë të dytë përhapjeje të koronavirusit. Dje autoritetet kanë raportuar për 46 raste, ku 36 raste ishin të importuara nga përtej detit. Në 10 rastet lokale vetëm 8 prej tyre u raportuan në veri të provincës Heilongjiang.

Presidenti i SHBA-ve, Donald Trump, ka bërë të ditur se vendi i tij po ndërpret fondet për Organizatën Botërore të Shëndetësisë (OBSH) në mes të pandemisë së koronavirusit të ri (COVID-19).

Ministri turk i Shëndetësise, Fahrettin Koca, ka konfirmuar 107 viktima të reja nga koronavirusi i ri (COVID-19), duke e çuar në 1.403 numrin e përgjithshëm të vdekjeve nga ky virus në vend. Koca po ashtu njoftoi se numri i rasteve të koronavirusit në vend është rritur në 65.111, me 4.062 raste të reja të regjistruara në 24 orët e fundit.

Teksa vende të ndryshme të botës kanë zgjedhur izolimin si mënyrë për frenimin e përhapjes së koronavirusit, disa shpresojnë se një zgjidhje për këtë situatë mund të jenë edhe testet e antitrupave.

Qeveria e Danimarkës dëshiron të dalë nga izolimi më shpejt nga sa ishte parashikuar më parë, pasi numri i të infektuarve nga koronavirusi po bie, tha të martën kryeministrja e Danimarkës, Mette Frederiksen.

Një pjesëtar i stafit mjekësor në Tajlandë ka humbur jetën pasi besohet se është infektuar me koronavirus nga një person i vdekur, transmeton Daily Mail.

Edhe gjashtë persona kanë humbur jetën në Maqedoni të Veriut nga koronavirusi, duke e çuar në 44 numrin e përgjithshëm të viktimave.

Bilanci i vdekjeve nga koronavirusi në Britani mund të jetë 15% më i lartë sesa shifrat zyrtare, thotë shtypi vendas.

Ashtu siç ishte paralajmëruar, Austria e nisi lehtësimin e masave të izolimit të marra për mbrojtje nga koronavirusi. Mijëra dyqane nën 400 metra katrorë u rihapën, e bashkë me to dhe dyqanet e pajisjeve të rënda dhe qendrat e kopshtarisë.

Rachel Brummert nga Scharlotte në Karolinën e Veriut, ka qëndruar për tri javë në vetëizolim, por pavarësisht kësaj, është infektuar me koronavirus.

Si një vend që nuk ka asnjë të vdekur dhe numri i të infektuarve me COVID-19 është 262, Vietnami është lavdëruar dhe komplimentuar nga Organizata Botërore e Shëndetësisë, sipas të cilëve mund të shërbejë si shembull i një shteti që ka arritur ta luftojnë pandeminë.

Duke i dalë kundër guvernatorëve dhe ekspertëve ligjore, Donald Trump deklaroi se presidenti ka autoritetin e plotë të lehtësojë masat kufizuese ndaj pandemisë së koronavirusit dhe të rihapë ekonominë.

Ministri i Jashtëm britanik Dominic Raab pritet t`i thotë vendit të enjten se bllokimi nga koronavirusi do të zgjasë të paktën deri në 7 maj.

Policia e Kosovës ka ndaluar 55 persona, të cilët nuk i kanë respektuar masat e vendosura nga autoritetet për frenimin e përhapjes së koronavirusit.

Guvernatori i shtetit të Nju Jorkut, Andrew Cuomo, njoftoi se të hënën janë konfirmuar 671 vdekje të reja nga koronavirusi, duke e rritur numrin e viktimave në 10.056.

Shefi i Organizatës Botërore të Shëndetësisë, Tedros Adhanom Ghebreyesus, ka thënë se vetëm një vaksinë efektive kundër koronavisurit, mund ta ndërpresë plotësisht përhapjen e sëmundjes në gjithë botën.

Koreja e Jugut ka raportuar se të paktën 116 persona që ishin shëruar nga koronavirusi i ri kanë dalë sërish pozitiv. Zyrtarët po shikojnë shkakun e përsëritjes së sëmundjes, raporton BBC. Jeong Eun-kyeong, drejtori i Qendrave Koreane për Kontrollin dhe Parandalimin e Sëmundjeve (KCDC), thotë se virusi mbase mund të jetë riaktivizuar në vend se të ketë ndodhur sërish infektimi i këtyre pacientëve.

Kur Presidenti Trump e përmendi për herë të parë koronavirusin, mund të ketë qenë vonë në reagimin e duhur. Në një intervistë gjatë takimeve të Davosit, më 22 janar, presidenti nuk i kushtoi rendësi virusit që kishte goditur Kinën, ndërkohë që një rast i vetëm ishte identifikuar në SHBA. “E kemi plotësisht nën kontroll. Vetëm një individ që ka ardhur nga Kina, e kemi nën kontroll. Gjithçka do të shkojë mirë”.

Një marinar i Marinës së Shteteve të Bashkuara vdiq të hënën pasi ishte infektuar me koronavirusin, duke shënuar kështu vdekjen e parë të një anëtari të ekuipazhit të aeroplanmbajtëses “Theodore Roosevelt” që është goditur nga pandemia.

Shumë pyetje ngrihen për periudhën që po jetojmë, por edhe mbi ndikimin që do të ketë koronavirusi në jetën tonë në të ardhmen. Nëse sëmundja do të zhdukej shpejt, jeta mund t`i rikthehej normalitetit. Por paralajmërimet e liderëve botërore dhe shkencëtareve në zë na tregojnë se virusi ndoshta nuk do të zhduket për muaj të tërë.

Kina i ka vendosur kufizime publikimit të kërkimeve akademike mbi origjinën e koronavirusit, sipas një direktive të qeverisë qendrore dhe njoftimeve në internet të publikuara nga dy universitete kineze, të cilat më pas, u hoqën nga faqet e tyre në internet.

Në një sondazh të institutit të opinionit, YouGov shumica e gjermanëve janë shprehur për zgjatjen e masave të kufizimit përtej datës 19 prill. Të mërkurën vendoset për lirimin apo vazhdimin e kufizimeve dhe gjermanët duket, nuk e duan zbutjen e masave të distancimit social në betejën kundër koronavirusit.

Me gati 15 mijë të vdekur nga koronavirusi, presidenti francez Emmanuel Macron njoftoi në fjalimin e tij të paralajmëruar nga Elizeja se masat e kufizimit të lëvizjes në vend, do të zgjaten deri në 11 maj.

Të hënën në mbrëmje u lançua nga kryeministri Edi Rama, paketa e dytë ekonomike që synon të parandalojë kolapsin e ekonomisë shqiptare nga kriza e koronavirusit.

Shkodra tashmë është kthyer në një ‘bombë me sahat’ në situatën e koronavirusit.

Në Shqipëri numri i të vdekurve nga Covid-19 shkoi në 24 të hënën në mbrëmje.

Duke filluar nga dita e mërkurë, të gjithë qytetarët e Kosovës do të kenë mundësi të lëvizin vetëm 90 minuta në ditë për të kryer shërbimet bazike si dhe njëkohësisht duke respektuar distancën dhe rregullat e tjera të vendosura në parandalimin e mëtejshëm të koronavirusit.

Instituti i Shendetësisë Publike në Kosovë bëri të ditur se janë konfirmuar edhe 15 raste me koronavirus në Kosovë.

E hëna shënon një muaj nga rasti i parë me coronavirus, por ditëve të fundit lakorja ka pësuar një ngritje të theksuar të të infektuarve.