Aksioni i SPAK dhe Anti-Mafias së Barit ndaj grupit të Igli Kamberit, reagon Eurojust: Ekipi i përbashkët arrestoi 12 persona, u sekuestruan rreth 1 milion euro 27/05 18:43
Skema e ngjyrave
Madhësia e shkrimit
Në një rrëfim të ndjerë në “Ftesë në 5”, me Bieta Sulo, muzikanti Lambert Jorganxhi ka zbuluar një anë shumë personale të jetës së tij, duke treguar se ardhja në jetë e djalit të tij i ka ndryshuar plotësisht mënyrën si e sheh botën.
Artisti pranoi se dikur muzika ishte gjithçka për të, ndërsa sot në qendër të jetës së tij është familja.
Mes emocionesh, Lamberti foli edhe për bashkëshorten, të cilës i drejtohet me përkëdheli “kënga ime më e bukur e jetës”, duke treguar se ajo është një nga mbështetjet dhe frymëzimet më të mëdha në rrugëtimin e tij artistik dhe personal. Ai rrëfeu se pas suksesit në skenë, lumturinë më të madhe e gjen tashmë në momentet e vogla të përditshmërisë si bashkëshort dhe baba.
Por biseda mori një tjetër ngarkesë emocionale kur artisti ndau mallin për të atin, i cili u nda nga jeta katër vite më parë. Sot, teksa po përjeton vetë rolin e babait prej më shumë se një viti, Lamberti tregoi se mungesa e pranisë dhe këshillave të tij ndihet edhe më fort.
“Dirigjon orkestrën e engjëjve në qiell”, u shpreh ai mes emocionesh, në një nga momentet më prekëse të intervistës.
Top Channel
