LAJM I FUNDIT/ Bordi i Transparencës rrit sërish çmimin e naftës dhe benzinës 16/05 11:13
Shqipëria është zyrtarisht në finalen e Eurovision 2026. Këngëtari nga Shkodra, Alis, do të performojë edhe njëherë në Vjenë këngën “Nan”, kësaj radhe në skenën e finales së madhe.
Performanca e tij në gjysmëfinale ishte spektakolare, duke kombinuar energji, emocion dhe një prezantim unik skenik. Një element i veçantë ishte prania në skenë e aktores Rajmonda Bulku, e cila solli një dimension artistik dhe simbolik, duke nënvizuar mesazhin emocional të këngës për figurën e nënës shqiptare.
Performanca e Alis u shoqërua me flamurin kuqezi dhe një atmosferë elektrizuese, duke krijuar një moment krenarie për të gjithë shqiptarët që ndjekin Eurovision-in, ndërsa ekspertët e cilësuan Alis si një nga artistët me vokalin më të lartë këtë edicion.
Në finale, Alis do të performojë i pesti dhe të gjithë shqiptarët që jetojnë jashtë mund ta votojnë me kodin 05.
Shqipëria tashmë pret finalen me optimizëm, dhe performanca e Alis ka bërë që shpresa për një rezultat të lartë të rritet ndjeshëm.
Top Channel
