Akuzat për spiunazh për Izraelin, Irani ekzekuton dy persona 20/04 08:22
Ushtria amerikane ka publikuar një video të operacionit për kapjen dhe sekuestrimin e anijes me flamur iranian TOUSKA, e cila dyshohet se tentoi të shkelte bllokadën detare të vendosur nga Shtetet e Bashkuara ndaj Iranit.
Sipas Komandës Qendrore të SHBA-së, marinsat amerikanë zbarkuan me helikopter nga anija sulmuese amfibe USS Tripoli dhe ndërmorën operacionin për të hipur në anijen M/V Touska në Detin Arabik. Ndërhyrja erdhi pasi shkatërruesi USS Spruance çaktivizoi sistemin shtytës të anijes, duke e detyruar të ndalonte.
U.S. Marines depart amphibious assault ship USS Tripoli (LHA 7) by helicopter and transit over the Arabian Sea to board and seize M/V Touska. The Marines rappelled onto the Iranian-flagged vessel, April 19, after guided-missile destroyer USS Spruance (DDG 111) disabled Touska’s… pic.twitter.com/mFxI5RzYCS
— U.S. Central Command (@CENTCOM) April 20, 2026
Autoritetet amerikane bëjnë me dije se anijes iu dhanë paralajmërime të përsëritura për rreth gjashtë orë, por ekuipazhi nuk iu bind urdhrave. Si pasojë, u kërkua evakuimi i dhomës së motorëve dhe më pas u përdor zjarr shtypës për të neutralizuar lëvizjen e saj.
CENTCOM has released video showing the destroyer USS Spruance firing its main gun at the Iranian-flagged cargo vessel Touska as it attempted to breach the U.S. blockade. pic.twitter.com/lOBcv4kqDY
— Clash Report (@clashreport) April 19, 2026
Në videon e publikuar dëgjohen paralajmërimet nga anija amerikane: “Evakuoni dhomën e motorëve, po përgatitemi të përdorim zjarr shtypës”, ndërsa më pas regjistrohen edhe të shtënat që çuan në ndalimin e mjetit lundrues në Gjirin e Omanit.
Sipas deklaratës zyrtare, anija po lundronte me shpejtësi 17 nyje drejt Bandar Abbas në Iran, kur u ndalua nga forcat amerikane. Pas neutralizimit të saj, marinsat e Njësisë së 31-të Ekspedicionare Detare hipën në bord dhe morën kontrollin, ndërsa anija mbetet nën mbikëqyrjen e SHBA-së.
Në një reagim publik, Donald Trump deklaroi se anija, rreth 274 metra e gjatë, refuzoi të zbatojë urdhrat, duke detyruar ndërhyrjen ushtarake. Ai theksoi se forcat amerikane dëmtuan dhomën e motorit për të ndalur lëvizjen e saj dhe se aktualisht po verifikohet ngarkesa në bord.
Nga ana tjetër, Irani e ka dënuar ashpër operacionin, duke e cilësuar si “grabitje detare të armatosur” dhe shkelje të një armëpushimi dyjavor mes dy vendeve. Autoritetet iraniane paralajmëruan për “hakmarrje të shpejtë”, ndërsa raportuan se forcat e tyre kanë ndërmarrë sulme me dronë ndaj anijeve ushtarake amerikane pas incidentit.
Ngjarja shënon një përshkallëzim të ri të tensioneve mes SHBA-së dhe Iranit në rajonin e Gjirit.
Top Channel
