Analiza/ Kim Mehmeti: Të gjithë jemi fajtorë pse Maqedonia e vogël u bë ‘furrë’ e madhe ku digjen njerëz të gjallë!

Në Maqedoni ndodhën dy fatkeqësi ajrore ku humbën jetën me qindra udhëtarë që shpresonin të kthehen te të dashurit e vet, dhe thuajse askush nuk u ndje përgjegjës për qindra jetët e humbura.

13 shkurti i vitit 2019 ishte ditë fatale për 16 udhëtarët e autobusit të “Durmo Tursit”, i cili qarkullonte në relacion Shkup-Gostivar dhe rreth orës 17:00 , për arsye ende të paqarta, u përmbys në autostradën Tetovë-Shkup afër fshatit Llaskarcë.

Dhe u fol për përgjegjësi dhe përgjegjës që pastaj çdo gjë të përfundojë ashtu siç pritet në një vend ku heshtjen e përhershme e thyen një minutë heshtje e politikanëve për nder të viktimave.

Me 23 nëntor të vitit 2021 mori flakë autobusi i “Besa Transit” ku humbën jetën 45 udhëtarë, që më vonë të konstatohet se të gjithë autobusët e kësaj agjencie që kalonin transit drejt Stambollit ishin pa leje transporti.

Dhe përderisa dihet se ku u varrosën fatkeqët që humbën jetën në këtë tragjedi, askush nuk e dinë se ku u varrës përgjegjësi e atyre që në mos më shumë. duhej t’i brente ndërgjegjja për jetët e humbura.

Zjarri në spitalin modular të Tetovës që ndodhi më 8 shtator 2021, morri jetët e 14 të sëmurëve që kishin shkuar aty për t’i shpëtuar vdekjes, e që pastaj çdo gjë të përfundojë sipas logjikës: nëse nuk mund t’i rikthesh në jetë të vdekurit mos ua vështirëso jetën as mëkatarëve të gjallë.

Dhe së fundmi, në klubin e natës në Koçan u dogjën 59 të rinj dhe si gjithmonë, burrështetasit flasin për përgjegjësi thuajse janë drejtues të ndonjë shteti të huaj, e jo të vendit ku ka ndodhur kjo tragjedi rrëqethëse.

Po, sido që ta kthesh del se në Republikën e vogël të Maqedonisë së Veriut askush nuk ndjehet përgjegjës pse ajo u bë furrë e madhe ku digjen njerëz të gjallë.

Mbase shkaku pse qytetarët e këtij vendi zgjohen nga gjumi vetëm ditën kur u ndodhin tragjeditë dhe mbeten zgjuar edhe dy-tre ditët e pastajme, që pastaj sërisht t’i dorëzohen heshtjes së turpshme.

Pra kjo ndodh shkaku se ky vend nuk ka themelet e duhura mbi të cilat qëndron një shtetet – elitat që shpërfaqin fytyrën e qytetarëve.

Andaj edhe mund të thuhet se e nesërmja e këtij vendi është e tragjedia e radhës dhe se, qytetarët e këtij shteti assesi ta kuptojnë se tragjeditë që u ndodhin thuajse për çdo vit, më së miri e shpërfaqin portretin e tyre – atë të frikacakut të heshtur që i duron të gjitha.

Top Channel