Ankesa për Lajçak: Osmani takon për herë të dërguarin e ri për dialogun, Sorensen! 14/02 14:34
Pasi të formohet qeveria e re e Kosovës, përfaqësuesja për politike të jashtme e Bashkimit Evropian, Kaja Kallas tha se bashkë me ndërmjetësin e ri, Peter Sorensen do të angazhohen për ta bërë dialogun mes Kosovës dhe Serbisë më funksional.
Mes tjerash, Kallas tha se palët nuk duhet të mendojnë integrimin evropian pa normalizim të marrëdhënieve. Këto deklarata të shefes së re të politikës së jashtme të BE-së, analistët në Kosovë thonë tregojnë se blloku do të ketë qasjë më të barabartë.
Njohësit shtojnë se qeveria e rë që del prej zgjedhjeve të nëntë shkurtit, duhet të ketë parasysh zbatimin e zotimeve të dala nga procesi.
Rezultatet preliminare të zgjedhjeve tregojnë se asnjë parti në vend nuk e krijon dot e vetme qeverinë. Megjithatë, tre nga katër partitë kryesore kanë premtuar marrëveshjeve përfundimtare me njohje reciproke. Partia Demokratike e Kosovës zotohet për dialog efikas që do të rezultojë edhe me integrim evropian.
Lidhja Demokratike e Kosovës thotë se është e përkushtuar për zbatimin e zotimeve nga marrëveshjet e arritura në këtë proces duke përfshirë edhe Asociacionin e Komunave me shumicë serbe, por brenda kornizave kushtetuese.
Ndërkohë që kreu i Aleancës për Ardhmërinë e Kosovës, Ramush Haradinaj është zotuar për përmbylljen e dialogut dhe dërgimin në Gjykatë Kushtetuese të draftit të Asociacionit të propozuar nga BE-ja.
Ndërkohë që, Lëvizja Vetëvendosje në programin e tyre nuk e përmend fare dialogun me Serbinë. Kosova dhe Serbia janë në proces të dialogimit për normalizim të marrëdhënieve që nga viti 2011. Së fundmi, në vitin 2023 u arrit marrëveshja për normalizim të marrëdhënieve dhe ankesi i saj në Ohër, që nuk zbatohet nga palët.
Top Channel
