Parodia muzikore kundër politikave të kryeministrit, mes këngëve më të dëgjuara në Britani (fotot)

 

Kënga është në majë të shkarkimeve në Britani megjithëse është bojkotuar nga stacionet e mëdha radio, përfshi dhe BBC.

Titulli i saj është ‘Freezing This Christmas’ (Do të ngrijmë këtë dimër) dhe është publikuar më 17 dhjetor, nga grupi me emrin ironik “Sir Starmer and the Granny Harmers” (Kryeministri Starmer dhe lenduesit e gjysheve).

Ajo i dedikohet vendimit të kryeministrit për heqjen ndaj 10 milionë pensionistëve britanikë pagesat e mbështetjes për ngrohjen dimërore, duke vënë në lojë brutalisht politikat e kursimit të laburistëve.

Në lirikat e këngës që imiton melodinë klasike ‘Lonely This Christmas’ mes të tjerash thuhet: “Imagjino një shtëpi që është plot të ftohtë”.

“Imagjino të jesh një 80 vjeçare, aty do të jem pasi shërimi im shkoi, shpresoj që lotët të më ngrohin shtëpinë”.

“Si t’ja bëj pa ngrohje? Nuk kam ku të shkoj, pa ngrohje në Krishtlindje unë do të ngrij kurse K-Star (kryeministri Starmer) është ngrohtë”.

Krijimi vjen pas një sondazhi se më shumë se gjysma e pensionistëve në Britani nuk do të marrin pagesat e ngrohjes këtë vit dhe duhet të fikin ngrohjen e tyre për të përballuar faturat, shkruan rrjeti belg, BrusselSignal.

Sondazhi tregon se 35 përqind e tyre do të shkurtojnë blerjen e artikujve shtëpiakë dhe një në gjashtë pensionistë në Britani do të duhet të reduktojë ushqimin që blejnë.

Bashkë me këngën autorët kanë nisur një bamirësi  ku donatorët mund të ndihmojnë pensionistët në vështirësi me anë të baninrësisë Age UK e cila tha se kishte mbledhur deri tani £23,000 (€27,8oo).

Kënga arriti suksesin e saj breda dy ditëve duke u renditur mes 40 më të mirave në listën EE Big Top 40, për shkarkimet në Apple Music.

Rrjeti BBC ka refuzuar ta transmetojë këngën edhe pse suksesi i saj pritet të vijojë me afrimin e Krishtlindjeve, shkruaj rrjeti BrusselSignal.

Top Channel