Një 26-vjeçar është vënë në pranga në Tiranë, pasi dyshohet se ka gisht në 11 raste vjedhjesh dhe një rast të mbetur në tentativa.
Sipas asaj që raporton policia, shtetasi M. K. është arrestuar ditën e sotme, të cilit gjatë kontrollit i është gjetur dhe një sasi lënde narkotike kanabis.
Nga veprimet hetimore të kryera, dyshohet se ky shtetas është autor i 11 rasteve të disa vjedhjeve të ndryshme dhe i 1 vjedhjeje të mbetur në tentativë, të kryera në Tiranë, gjatë dy muajve të fundit.
Gjatë këtyre rasteve ky shtetas dyshohet se ka vjedhur sende me vlerë nëpër automjete, skutera elektrikë si dhe shuma parash apo sende të tjera.
Top Channel
