Zvicra planifikon rinovimin e rrjetit të bunkerëve bërthamorë të periudhës së Luftës së Ftohtë 13/12 22:30
Kancelari gjerman Olaf Scholz siguroi refugjatët sirianë që janë “integruar” se ata do të jenë “të mirëpritur” në vend, pasi partitë konservatore dhe e djathta ekstreme kërkojnë riatdhesimin e tyre pas rënies së regjimit të Bashar al-Assad.
“Ai që punon këtu, që është integruar, është i mirëpritur në Gjermani , kjo është e qartë,” tha kancelari, duke vënë në dukje se “disa deklarata, ditët e fundit” kishin shkaktuar shqetësim tek sirianët.
Rreth 1 milion sirianë jetojnë aktualisht në Gjermani. Shumica u shpërngulën atje pas shpërthimit të luftës civile në vitin 2011 dhe veçanërisht gjatë krizës së migracionit të vitit 2015. Disa kanë marrë nënshtetësinë gjermane, por pjesa tjetër janë të pambrojtur nëse fillon një proces deportimi.
Të hënën, Gjermania dhe vende të tjera të BE-së si Austria dhe Suedia njoftuan se po pezullonin vendimet për kërkesat për azil sirian, një ditë pasi Bashar al-Assad u rrëzua. Të dielën, kandidatja për kancelare e Alternativës së ekstremit të djathtë për Gjermaninë (AfD) Alice Weidel kishte shkruar në Platformën X “Nuk pranojmë më askënd!”.
Sondazhet e vendosin AfD në vendin e dytë në zgjedhjet parlamentare të 23 shkurtit. Megjithatë, edhe në partitë kristiandemokrate, konservatore, që pritet të fitojnë zgjedhjet, disa zëra kërkojnë riatdhesimin e sirianëve të vendosur në Gjermani.
Top Channel
