Të paktën 21 të vrarë nga një sulm izraelit në Gazë 04/12 22:20
Pastori i një kishe në Kaliforni, i cili kishte eksperiencë me artet marziale, tha se Zoti u tregua bujar dhe e mbrojti gjatë përleshjes me një grabitës të dyshuar që hyri në ndërtesë mëngjesin e festës së Falënderimeve.
Nick Neves, pastor i kishës First Family në qytezën e Antioch, tha incidenti kishte nisur në mëngjes kur ai kishte ardhur në kishë dhe pa që dera ishte e hapur.
“Kur unë hyra në ndërtesë i dyshuari ishte duke dalë me duart mbushur me gjërat tona. I thashë të ndalonte dhe se ishte ‘nën arrest qytetar’, por ai tentoi të largohej dhe unë e kapa duke përfunduar në dysheme me përleshje. Arrita ta mbaj rreth 15 minuta derisa erdhi policia”, tha ai për rrjetin vendas Fox News.
“Ai ishte agresiv dhe unë u mundova shumë për ta mbajtur pa e lënduar. Ne jemi një kishë psalmesh që duam të drejtojmë njerëzit te Zoti, qe ata të bëjnë mirë për komunitetet e tyre. Por kur dikush thyen dritaren dhe hyn për të vjedhur është e vështirë t’i ndihmosh”.
“Por Zoti u tregua i mirë dhe më mbrojti nga lëndimi sot. Shpresoj që ai të reflektojë për krimin dhe mëkatet e tij dhe më në fund të pendohet”, tha pastori Neves.
Policia e Antioch tha se i dyshuari kishte përdorur një sëpatë për të thyer dritaren, teksa arma u gjet në vendngjarje.
Pastiri Neves shtonte më tej: “Unë praktikoj xhiu-xhitsu dhe pak kickboxing kështu që pak a shumë di si të mbroj veten”.
“Por edhe nëse je stërvitur vite me radhë, nuk duhet ta përdorësh pa vend nëse je një person i paqes. Nuk dua të hyj në telashe me njeri, por aty ku ishte nevoja, ai mund të më kishte lënduar nëse nuk do të kisha stërvitjen që kam. Unë arrita t’i neutralizoj sulmet e tij”.
Ndërsa në deklaratën e policisë së Antioch, thuhej disi me ironi: “Kur grabitësi pa që u zbulua në aktin e tij mëkatar, ai vendosi të luftonte me pastorin, në vend që të pendohej”.
“Por ai nuk e dinte që pastori do ta fitonte këtë betejë mes të mirës e të keqes, dhe e mbajti të dyshuarin deri në ardhjen e oficerëve”.
“Jemi të lumtur që pastori doli i palënduar nga ky incident dhe shpresojmë që me anëtarë të tillë të vlefshëm komunitetesh, të kthejmë drejtimin e valës së krimit në qytet”, shkruan rrjeti vendas FoxNews.
Top Channel
