Djegia e pemës së Krishtlindjes, shpërthejnë protestat ne Siri! Përfaqësuesi i grupit rebel ngre kryqin në shenjë solidariteti 24/12 19:32
Një influencues amerikan i mediave sociale tha se ai ishte paguar 100 dollarë nga një propagandist pro-Kremlinit për të postuar një video të rreme të emigrantëve nga Haiti që pretendonin se votonin në zgjedhjet presidenciale të SHBA.
Pagesa ishte një nga disa që ai kishte marrë nga propagandisti, një agjent i regjistruar rus, për të postuar në mediat sociale në prag të zgjedhjeve.
Influencuesi pro-Trump, i cili përdor emrin @AlphaFox78 në “X”, është një shtetas amerikan që jeton në Massachusetts, sipas asaj që ka mësuar CNN. Ai pranoi të fliste për CNN për postimet në kushte anonimiteti.
Llogaria, e cila ka një histori të postimit të memeve të krahut të djathtë në mbështetje të ish-presidentit Donald Trump, ishte e para që postoi videon tashmë të zhvlerësuar që supozohet se tregonte një emigrant nga Haiti duke pretenduar se do të votonte të paktën dy herë në Zhorzhia për zv. presidenten Kamala Harris.
Sekretari i Shtetit të Xhorxhias tha se gjithçka në atë video ishte e falsifikuar, nga aktorët tek kartat e identitetit dhe ishte prodhuar e shpërndarë nga aktorë të ndikimit rus.
Në një intervistë telefonike me CNN gjatë disa ditëve, personi që qëndron pas llogarisë, e cila ka grumbulluar më shumë se 650,000 ndjekës në “X”, tha se ai postoi videon pa kontrolluar faktet pretendimet e bëra në të.
“Nuk e kam idenë se nga erdhi apo ndonjë gjë, unë jam vetëm djali që e shpërndau atë”, tha ai.
Influencuesi tha se Simeon Boikov, një podkaster propagandist rus i njohur në internet si “AussieCossack”, i ofroi atij 100 dollarë për të postuar videon, për të cilën ai pranoi. Një person me njohuri për situatën konfirmoi për CNN se pagesa të shumta ishin dërguar nga Boikov për shtetasin e Massachusetts.
Dokumentet e shqyrtuara nga CNN tregojnë se Boikov është një agjent i huaj i regjistruar për Rusinë në Australi, ku ai punon për mediat shtetërore ruse, duke shkruar dhe postuar në internet në anglisht dhe rusisht.
Boikov, të cilit së fundmi iu dha shtetësia ruse dhe po kërkon azil në konsullatën ruse në Sidnej, ka një histori të postimit të dezinformatave pro-Kremlinit. Një hetim i mëparshëm i CNN zbuloi se Boikov ka luajtur një rol në fushatat e dezinformimit të Rusisë, duke përfshirë ato që synojnë zgjedhjet presidenciale në SHBA të vitit 2024.
Por roli i tij i saktë dhe vendi ku ai ulet brenda hierarkisë së rrjetit të dezinformimit, mbetet i pakapshëm.
Top Channel
