Lihen në burg 4 të arrestuarit nga operacioni “Voskopi”, ku u zbulua magazina me 195 kg lëndë narkotike kanabis sativa.
Prokuroria ka kërkuar masën e arrestit me burg për të arrestuarit, Gentian Guri, Andon Demirshan, Anesti Burda dhe Redion Hamitaj, kërkesë e cila u pranua nga gjykata në seancën e zhvilluar ditën e sotme.
Magazina me drogë në fshatin Voskop ishte marrë me qira nga shtetasi S.D i shpallur në kërkim, i cili kishte futur sasinë e drogës që përpunohej nga tre gra të cilat po procedohen në gjendje të lirë.
Vijojnë hetimet lidhur me ngjarjen pasi dyshohet se ka persona të tjerë të përfshirë.
Top Channel
