Kandidati prorus prin në zgjedhjet presidenciale në Rumani 25/11 08:36
Protesta po zhvillohen në disa qytete të Indisë pas një zemërimi të gjerë për publikimet e testeve para provimit të pranimit në universitete.
Sindikatat e studentëve dhe parti opozitare kanë protestuar të enjten e të premten për parregullsitë e shumta në dy provimet kryesore të universiteteve në vend.
Agjencia Kombëtare e testimit në Indi, e cila organizon testimet, njoftoi anulimin e testit të të mërkurës duke shpjeguar se “integriteti i provimit mund të ishte kompromentuar”.
Një ditë më vonë ministri i arsimit Dharmendra Pradhan pranoi se një ditë para testit pyetjet e përgjigjet kishin dalë në rrjet, edhe pse jo në faqe të shikueshme nga publiku i gjerë, por në rrjete të errëta për qëllime ilegale.
Zhvillimi i fundit vjen teksa në zhvillim ishin protesta për një tjetër “publikim testesh” në universitetet shtetërore më 5 maj, me të cilin përfitoheshin kurse mjekësore para diplomimit në institucionet e vendit.
Akuzat e publikimit erdhën kur 67 studentë kishin shënuar pikët maksimale 720, në njoftimin e rezultateve më 4 qershor, dhe opozita fajësoi zyrtarët e kryeministrit Narendra Modi për kompromentim të qëllimshëm të sistemit arsimor.
Kreu i partisë komuniste Indiane, D Raja kërkoi anulimin e testimeve teksa tha: “Kjo që po ndodh në ministrinë e arsimit është kriminale”.
Rahul Gandhi, kreu i Kongresit dhe partisë më të madhe opozitare, tha se sistemi arsimor është kapur nga partia BJP e Modi.
Një seancë shtetërore dëgjimore mbi parregullsitë pritet të kryhet më 8 korrik.
Top Channel
