“E keni paguar?!”/ Jori Delli befasohet në Top Arena, del live i dashuri i saj italian, Meri bën parashikimin për lidhjen e tyre 16/06 22:57
Kryeministri Edi Rama është ndalur sot në Himarë, për të dorëzuar disa certifikata pronësie për shtëpitë e trashëguara. Gjatë fjalës së tij Rama nuk i kurseu as këtë herë batutat, kur iu drejtua banorëve duke u thënë se mes shqiptarëve janë njisha dhe se merren me politikë, dhe jo politikë lokale, por globale.
“Himarjotët janë himarjotë dhe pikë. Secili e di vetë se ku i ka rrënjët. Ne nuk i ndajmë shqiptarët dhe jo të ndajmë himarjotët. Kush ju thotë diçka tjetër, shiheni mirë se pse e thotë.
Mes shqiptarëve himariotët janë njisha, politikë nga mëngjesi deri mëngjesin tjetër, politikë globale! Kur isha i vogël dhe ndaloja te kafja e vogël në Vuno, pleqtë diskutonin për Nelson Mandelën.
Dëgjova një bërtitje andej, nuk e di ca himarjotësh janë se ata zakonisht i vënë gjoksin dallgës nuk shkojnë nëpër cepa”, tha Rama.
“Pronat e Himarës janë prona të mbështetura në letra, të lidhura me banorë këtu, jo në Hënë”, tha ai më tej.
Rama tha se deri në fund të vitit, do të shpërndahen 4 mijë certifikata pronësie për shtëpitë e trashëguara.
Top Channel
