Ukraina në errësirë totale/ BE miraton 145 milionë euro ndihmë humanitare, dërgon edhe gjeneratorë elektrikë në disa qytete 29/01 22:43
Panamaja publikonte sot kthimet në Kolumbi të 30 emigrantëve që kishin hyrë ilegalisht në vend nga kalimi famëkeq i xhunglës Darien, i përdorur nga emigrantët e dëshpëruar latinë që përpiqen të arrijnë drejt SHBA.
Ministrja e emigracionit Samira Gozaine shtonte se mes hapave të ardhshëm mund të jetë ‘ndërtimi i një muri’ në kufirin pyjor të Kalimit Darién për të parandaluar ardhjen e refugjatëve.
“Gjithsesi nuk mund të ndërtojmë një mur nga një kufi i kontinentit te tjetri, por do të bëjmë gjithçka është e mundur”, shtonte ministri i brendshëm panamez Ábrego në një prezantim me presidentin e zgjedhur José Raúl Mulino.
“Nëse shpallet mbyllja e kufirit ne do të vendosim pika kontrolli për të ndaluar emigrantët ilegalë, dhe më pas të vijojmë me riatdhesimin ose deportimin e tyre”, shtoi ai.
Pas shpalljes president më 9 maj , Mulino u zotua për deportimin e emignartëve që hyjnë në vend nga kalimi malor i xhunglës Darien, i njohur për aksidentet dhe shfrytëzimin nga trafikantët.
“Kjo odise nuk ka arsye të ekzistojë prandaj do të nisin riatdhesimet me respekt të plotë për të drejtat e njeriut”, tha asokohe Mulino.
Kalimi Darién Gap, në xhunglën mes Panamasë e Kolumbisë është 266 km i gjatë në një tokë prej 575,000 hektarë, i cili vetëm në 2023, është kaluar nga 520,000 emigrantë, kryesisht nga Venezuela, Haiti, Ekuadori e Kolombia, shkruan rrjeti AFP.
Top Channel
