Sport Të Fundit

Lampardit i del emri për të drejtuar kombëtaren, britaniku mendohet për ofertën e veçantë

07/04/2024 09:22

Frank Lampard është emri i parë në listën e drejtuesve të Federatës Kanadeze të Futbollit, për të drejtuar kombëtaren e këtij vendi.

Kanadaja, së bashku me Amerikën dhe Meksikën do të organizojnë Kupën e Botës në vitin 2026 dhe kanadezët kanë si objektiv të bëjnë një paraqitje dinjitoze.

Ndaj, po synojnë të bindin një emër si Frank Lampard për të nisur punën në muajt e ardhshëm me objektiv Kupën e Botës. Aktualisht, kombëtarja e Kanadasë është pa trajner prej verës së shkuar kur John Herdman dha dorëheqjen. Nga ana tjetër, detyra e fundit për Lampard ishte ajo në stolin e Chelseat në fundin e sezonit të kaluar.

45-vjeçari kërkon të rikthehet në detyrë, megjithatë ende nuk është i bindur nëse drejtimi i një kombëtareje në këtë moment do të ishte i përshtatshëm për karrierën e tij. Për më tepër, Lampard nuk ka trajnuar kurrë jashtë Anglisë duke pasur eksperienca me Derby County, Chelsea dhe Everton./SuperSport

Top Channel