Ndryshimet që duhet të bëni gjatë vitit 2025 26/12 20:37
6 dhjetor 2023, tashmë është bërë traditë që kjo datë shënon ndezjen e dritave në pemën e Krishtlindjeve.
Me qindra qytetarë të Fierit dhe veçanërisht fëmijë, kanë ndjekur së bashku me prindërit, nga sheshi qendror i qytetit, ndezjen e dritave të pemës që simbolizon ardhjen e Krishtlindjeve dhe Vitit të Ri.
Në një atmosferë festë, të shoqëruar me tingujt e muzikës në prezencë të dhjetëra fëmijëve të veshur me ngjyrat e festës, kryebashkiaku Armando Subashi ka ndezur dritat e pemës.
Dekori i festave të fundvitit ndjehet kudo në qytetin e Fierit, jo vetëm në sheshin qendror por në çdo rrugë.
Edhe bashkia e Vlorës ka ndezur dritat e pemës së festave të fundvitit. Në qendrën historike të qytetit të Vlorës, dritat janë ndezur në praninë e qindra qytetarëve vlonjatë por edhe të fëmijëve. Me numërimin mbrapsht dhe me fishekzjarre është përcjellë urimi për festa të gëzuara edhe nga kryetari i bashkisë së Vlorës, Ermal Dredha.
Atmosfera festive ka nisur edhe në qytetin e Lushnjës, ku janë ndezur dritat e pemës, por edhe në qytetet e tjera të vendit, me sheshet që janë shndërruar në qendra argëtimi.
Top Channel
