Nga ditët pa bashkëshortin te skenat nudo, rrëfehet aktorja e njohur e Pirtaes of the Caribbean: Familja më ndihmoi kur u diagnostikova me… 23/11 21:01
Fotografi i njohur Elliott Erwitt, i njohur për imazhet e sinqerta dhe shpesh qesharake bardh e zi, ka ndërruar jetë në moshën 95-vjeçare.
“Ai vdiq i qetë në shtëpi i rrethuar nga familja. Erwitt do të mbahet mend për kërkimin e momenteve më absurde dhe simpatike të jetës. Ishte bindja e fortë e tij se fotografia duhet t’i flasë shqisave dhe emocioneve dhe jo intelektit. Do të mbrohet me krenari trashëgimia frymëzuese që krijimi i imazhit të tij të vazhdojë të luajë në historinë e artit dhe fotografisë”, thuhet në njoftimin e bërë për publikun.
I lindur në Paris nga prindër rusë, Erwitt u transferua në SHBA që kur ishte fëmijë. Ai fotografoi momente të rëndësishme, duke përfshirë një grindje që bëri shumë bujë në vitin 1959, midis nënpresidentit të atëhershëm të SHBA Richard Nixon dhe kryeministrit sovjetik Nikita Hrushov.
Në vitin 2017, në njëqindvjetorin e Revolucionit të Tetorit të Rusisë, ai foli për BBC se si ishte të dëshmosh se dy liderë botërorë kishin një grindje gjatë Luftës së Ftohtë.
“Ata ishin në tribunë, ata po luanin për audiencën e tyre”, deklaroi ai për emocionet që i kishte ofruar momenti i debatit mes tyre.
Erwitt ishte i njohur për kapjen e momenteve pikëlluese (Jacqueline Kennedy në funeralin e burrit të saj), kafshëve (veçanërisht qenve) dhe momente të rëndësishme kulturore.
Në vitin 1960, në moshën 32-vjeçare, ai realizoi xhirime promocionale për klasiken perëndimore “The Misfits”, një film ku luajtën Marilyn Monroe, Montgomery Clift dhe Clark Gable.
Fotografi u martua dhe u divorcua katër herë. Ai la pas gjashtë fëmijët e tij, 10 nipër e mbesa dhe tre stërnipër.
Top Channel
