Real Madrid ka marrë një vendim drastik, ndërsa shkarkoi drejtorin e stafit mjekësor të klubit, kroatin Niko Mihic, i cili është pjesë e “Los Blancos” që nga viti 2017.
Mediet spanjolle raportojnë se ky vendim i Florentino Perez, ka ardhur për shkak të keqmenaxhimit të problemeve të Arda Guler, talentit turk që u bashkua me madrilenët në verë, por që ende nuk ka debutuar me “Los Blancos”. Guler shfaqi probleme muskulore pas operacionit, duke mos mundur të rikthehej kur pritej.
Megjithatë ky vendim nuk ka ardhur vetëm për rastin e Gulerit, pasojat e shumta që klubi ka pasur vitet e fundit, nga Benzema te Alaba, çuan në këtë përfundim.
Top Channel
