BE-ja diskuton sot për situatën Kosovë-Serbi
23/10/2023 09:30
Emri/ Vritet shqiptari me armë zjarri në Itali! Autori ishte bashkatdhetar, viktima la pas dy fëmijë 25/11 10:40
Këshilli i Punëve të Jashtme, i kryesuar nga shefi i diplomacisë evropiane Josep Borrell, po zhvillon një takim në Luksemburg e cila ka filluar në orën 8: 30, ku në rendin e ditës do të jetë edhe situata mes Kosovës dhe Serbisë pas sulmeve terroriste të 24 shtatorit në Banjskë të Zveçanit.
BE-ja thotë se i kërkon të dyja palëve të kontribuojnë urgjentisht në depërshkallëzimin dhe kthimin në zbatimin e detyrimeve të tyre të pazgjidhura, që dalin në kuadër të dialogut të lehtësuar nga BE-ja.
Në një deklaratë për media thuhet se Këshilli do të diskutojë edhe mbi situatën në Izrael dhe në rajon, pas veprimeve brutale të Hamasit dhe sulmet terroriste pa dallim kundër Izraelit dhe ngjarjet që po shpalosen në Gaza.
Po ashtu, në rend dite do të jetë edhe agresioni rus kundër Ukrainës, duke u fokusuar në angazhimet e BE-së për sigurinë, dhe zhvillimet në lidhje me Armeninë dhe Azerbajxhanin.
Këshilli i Punëve të Jashtme do të diskutojë edhe për situatën në Kinë dhe Sahel. Ministrat e BE-së do të marrin pjesë më pas në takimin e 19-të ministror BE-Azinë Qendrore me Kazakistanin, Republikën e Kirgistanit, Taxhikistanit, Turkmenistanit dhe Uzbekistanit.
Top Channel
