Deputetët shqiptarë parakaluan edhe këtë të hënë drejt Kuvendit për mbajtjen e seancës plenare.
Mbërritja e stinës së vjeshtës duket se preku edhe paraqitjen e ligjvënëseve, pas një sezoni të gjatë veror plot ngjyra.
Fundet e gjatë dhe pantallonat klasike mbizotëruan, ndërsa ngjyrat më të preferuara ishin e zeza, e bardha dhe grija.
Vetëm deputetja demokrate, Ina Zhupa dukej ende në look-un plot gjallëri veror, pasi pantallonat dhe bluzën e zezë e kishte kombinuar me një xhaketë ngjyrë portokalli.
Nga ana tjetër, deputetët nuk eksperimentuan me veshjet, ndërsa paraqitja e tyre përbëhej nga pantallona klasike, xhaketë dhe kravatë.
Në veshjet e tyre nuk mungoi as fjongoja rozë, simboli i tetorit, muajit të sensibilizimit kundër kancerit të gjirit.
Top Channel
