Zbulohen planet për atë që premton të jetë atraksioni turistik më spektakolar i nëndheshëm i Londrës ndonjëherë: transformimi 268 milionë dollarësh i një sërë tunelesh të Luftës së Dytë Botërore, duke i kthyer ato në një atraksion turistik për një përvojë sa rrëqethëse aq edhe të mrekullueshme për turistët.
Nga tepër sekrete dikur, pasi mbroheshin nga Akti i Sekreteve Zyrtare të Mbretërisë së Bashkuar, ish-tunelet e spiunazhit do të ripunohen nga një ekip që përfshin arkitektët që qëndrojnë pas Kopshteve në Gjirin e Singaporit dhe Stacionit të energjisë Battersea të Londrës – gjithmon nëse arrihet miratimi i planit më vonë këtë vjeshtë.
Tunelet Kingsway Exchange, rreth 40 metra nën stacionin e metrosë Chancery Lane në High Holborn, u ndërtuan në vitet 1940 për të strehuar londinezët nga fushata e bombardimeve gjatë Luftës së Dytë Botërore.
Kjo ishte hera e fundit që ata ishin të hapur për publikun e gjerë. Roli i tyre i radhës gjatë kohës së luftës ishte si shtëpia e Ekzekutivit të Operacioneve Speciale të Britanisë, një degë e MI6 dhe frymëzimi i jetës reale për Degën Q, të James Bond.
Në foto: Një plan se si mund të dukej një lokal i mrekullueshëm nëntokësor
Më pas ato u zgjeruan për t’u bërë Kingsway Telephone Exchange, i cili në vitet 1950 shërbeu si një shkëmbim i brendshëm komunikimi gjatë Luftës së Ftohtë. Aty madje u ndërtua “linja e nxehtë” që lidhte drejtpërdrejt liderët e Shteteve të Bashkuara dhe BRSS.
Kingsway Telephone Exchange ishte shtëpia e një rrjeti të madh prej 5,000 kabllosh dhe që punësonte një komunitet të gjerë prej 200 punëtorësh që drejtonin linjat telefonike.
British Telecom mori përsipër drejtimin e vendit në vitet 1980, duke krijuar barin më të thellë në nëntokë, i vemti i licencuar në botë, që përdorej vetëm nga stafi qeveritar. Ai ishte i kompletuar me një dhomë lojërash, me një tavolinë biliardoje dhe një rezervuar peshku tropikal, çka nënkuptonte luksin për zyrtarët e lartë të viteve ’80.
Teknologjia që përdorej për qendrën telefonike u vjetërua nga fundi i dekadës dhe u çaktivizua. Por tani menaxheri i fondeve Angus Murray, CEO i The London Tunnels, dëshiron të sjellë në jetë historinë e tunelit për vizitorët, me ekrane me rezolucion të lartë, struktura ndërvepruese, teknologji që të jep ndjesinë e atyre viteve dhe qindra altoparlantë.
Londra nëntokësore
“Historia e tuneleve, thellësia dhe vendndodhja midis Holbornit të Londrës dhe Square Mile-it historik, mund t’i bëjnë këto tunele një nga destinacionet turistike më të njohura të Londrës,” tha Murray në një deklaratë.
Plani është që të investohen 140 milion paund ose 170.5 milion dollarë në punën e restaurimit dhe më pas 80 milion paund të tjera ose 97 milion dollarë. Me arkitektët Wilkinson-Eyre në bord, ata me siguri kanë gati një ekip të mirë për këtë projekt shumë ambicioz, i cili tejkalon shumë çka tjetër që kryeqendra britanike ka për të ofruar. Atraksioni më i mirë turistik nëntokësor i Londrës aktualisht është Churchill War Rooms, i vendosur vetëm 12 metra nën nivelin e tokës dhe një pjesë e hapësirës prej 8,000 metrash katrorë të zënë nga tunelet e shkëmbimit Kingsway.
Metroja e Londrës gjithashtu ofron periodikisht ture në tunelet e fshehta në Londër, duke eksploruar stacionet dhe tunelet e braktisura të qytetit. Udhëtimet janë gjithmonë jashtëzakonisht të njohura dhe të mbi-abonuara, me bileta që merren sapo të jenë të disponueshme. Ata janë ende shansi më i mirë për një aventurë nëntokësore edhe për disa vite, megjithatë, nëse projekti i tuneleve të Londrës do të vihet në zbatim, ai nuk do të jetë në gjendje të mirëpresë vizitorë deri në vitin 2027.
Top Channel
