Një 41-vjeçar i cili ishte i shpallur në kërkim për trafikim është kapur teksa ishte fshehur në një zonë të pyllëzuar në fshatin Spille të Kavajës.
Në prangat e policisë ra Xhevdet Xhafa, 41 vjeç, banues në Rrogozhinë, i cili ka trafikuar brenda vendit për qëllime fitimi motrën e tij.
Gjykata e Apelit, Tiranë e ka dënuar 41-vjeçarin me 10 vjet burgim, për veprën penale “Trafikimi i personave të rritur”.
Ai pritet të përballet me vuajtjen e dënimit të dhënë nga drejtësia në një nga institucionet e ekzekutimit të vendimeve penale në vend.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Top Channel
