Mark Zuckerberg dhe jeta e tij luksoze me dy superjahtet e reja miliona dollarëshe 18/11 07:12
Një influencuese britanike që raportohet se ka frymëzuar mijëra njerëz me postimet pozitive gjatë betejës me kancerin, tragjikisht ka ndërruar jetë.
E njohur për shprehjen e saj ‘go grab life’ (Shko merre jetën), Nicky Newman nga Surrey në juglindje të Londrës ishte gjithmonë pozitive për ditët e saj të mbetura duke nxitur miqtë e saj ‘të shfrytëzonin çdo mundësi që u jepej’.
Në një postim emocional bashkëshorti i Nicky, Alex dha dje lajmin tragjik se ajo kishte ndërruar jetë në moshën 35 vjeçare.
Postimi dukej që ishte shkruar nga vetë Nicky në paraprirje të ndarjes, por megjithë lajmin e keq ajo mbetej pozitive duke nxitur ndjekësit e saj të jetonin jetën pa frikë: “Ti asnjëherë nuk e di që të pret prandaj mos merr asgjë si të mirëqenë”.
Nicky, e cila kishte punuar në financë para diagnozës së saj jetoi pesë vjet me kancerin e gjirit me të cilin u diagnostikua në prill 2018.
Më vone asaj i dhanë të tjera lajme të këqija duke i thënë se “ishte përhapur dhe ishte i pakurueshëm”.
Por megjithatë Nicky vendosi të dokumentonte gjendjen dhe trajtimet e saj duke akumuluar rreth 300,000 ndjekës online duke ndarë me ta eksperiencën.
Në vitet gjatë të cilave luftonte sëmundjen Nicky u martua me të fejuarin e saj Alex, bënte aktivizëm për bamirësi dhe fitoi shumë zemra në Britani.
Doktorët thanë se ‘nuk dinin shkakun’ e sëmundjes së rëndë te 35 vjecarja fatkeqe.
Top Channel
