VIDEO/ U bë “mollë sherri” për Icardin dhe Wanda Nara, aktorja e njohur argjentinase kapet “mat” me pilotin 11 vite më të ri
18/11 17:03
Në zonat malore të Italisë jugore, thuhet se gjendet një fshat aq i mallkuar sa vendasit maten mirë para se t’i përmendin emrin.
Qyteza e Colobraro ka qenë objekt historish ngjarjesh të frikshme si aksidente apo katastrofa natyrore, shkruan rrjeti britanik The Sun, dhe kjo ka bërë që të përdoret tashmë si shembull frike e kërcënimi, edhe pse shpeshherë në mënyrë figurative.
Rrëfenjat nisin prej vitit 1900, kur një avokat prepotent i quajtur Biagio Virgilio, i cili nuk kishte humbur asnjë cështje, bëri një pretendim të fortë.
Në një rast ai tha: “Nëse mendoni se gënjej për këtë që po them, atëherë ky shandelier le të bjerë përtokë”, dhe për habi të të gjithëve abazhuri ra përtokë dhe e la të vdekur.
Prej atëherë Virgilio është bërë simbol i fatit të keq pasi besohet se ka lëshuar një mallkim ndaj vendit.
Por gjërat e frikshme duket se i ndodhin vetëm njerëzve që vijnë aty për herë të parë dhe që besojnë te rrëfenjat e tmerrit.
Legjendat flasin gjithashtu për ato që njihen si “masciare” ose shtrigat në fshat, të cilat thuhet se kanë aftësi super-natyrore dhe shëronin ata që ishin prekur nga mallkimet.
“Shtrigat” përdornin në kurat e tyre kripë, qymyr e ujë me të cilat fërkonin personin, para se ta flaknin ujin në rrugë.
Por kushdo që kalonte në rrugë më pas prekej nga mallkimi.
Bestytni të tilla i atribuoheshin ngjarjeve të këqija në zonë si fatkeqësive apo lindjeve të fëmijëve me defekte, që shkaktonin panik në zonat rreth fshatit.
Por me kalimin e viteve mallkimet duket se prekin vetëm vizitorët.
Banorja e vjetër Elena di Napoli, tha për rrjetin vendas ‘Italian Tribune’: “Sigurisht duke marrë parasysh paraardhësit e mi, une nuk jam e prekur nga mallkimi, nuk e di nëse ekziston ende. Tani gazetat preferojnë ta përmendin për të zbavitur lexuesit e tyre, unë nuk kam besim te to”.
Edhe vendas të tjerë nuk i besojnë nxitjes negative, siç është Matteo, i cili tha për rrjetin BBC: “Don Biagio Virgilio? Sigurisht që e kam dëgjuar! Por për fatkeqësitë, ato i kanë sajuar njerëzit, ai nuk sillte fat të keq”.
Një tjetër aspekt është emri i fshatit që tingëllon si “coluber” që është një tip gjarpri, dhe kjo i shtohet supersticioneve negative.
Por megjithë tregimet e tmerrit vizitorë vijnë çdo verë në fshat dhe vendasit u tregojnë atyre me endje historinë e qytetit, përfshi dhe detajet misterioze të besëtytnive.
Çdo gusht në Colobraro rruga kryesore kthehet në një paradë me shtriga të improvizuara apo njerëz ujq, ndërsa turistëve e vizitorëve u jepen hajmali për t’i mbrojtur nga mallkimet, si aty dhe në vende të tjera që vizitojnë.
Top Channel
