Shërbimi i Ujësjellës Kanalizimeve në Dibër ka njoftuar se ndërprerjen e ujit në Bulqizë, si pasojë e dëmtimit të linjës kryesore të ujësjellësit nga persona të pa identifikuar.
Shërbimi i Ujësjellës Kanalizimeve njofton denoncimin e rastit në Polici.
“Dje, gjatë natës linja kryesore që furnizon me ujë qytetin e vjetër të Bulqizës ëshë dëmtuar qëllimisht nga persona ende të paidentifikuar. Kjo ka shkaktuar ndërperjen e furnizimit me ujë për qytetarët.
Ekipet e UK rajoni Dibër, që prej mëngjesit të sotëm kanë qënë në terren duke riparuar tubin e dëmtuar duke bërë të mundur furnizimin normal me ujë për qytetarët!
Ndërkohë, për këtë rast abuziv, është bërë denoncimi në polici! Faleminderit qytetarëve për durimin dhe mirëkuptimin gjatë punimeve!”- thuhet në njoftimin e bërë në faqen zyrtare në Facebook.
Top Channel kontaktoi me Policinë e Bulqizës për të pyetur nëse është bërë denoncim. Policia e hedh poshtë rastin në fjalë, duke theksuar se pranë Komisariatit nuk është bërë asnjë denoncim nga ana e Ujësjellësit të Bulqizës.
Top Channel
