Dy të rinj janë arrestuar në Korçë pasi shisnin doza kokaine.
Policia ka ndaluar makinën që e përdornin për të shpërndarë lëndën narkotike. Mjeti drejtohej nga 28-vjeçari K. F., pa leje drejtimi. Ai u ndalua në lagjen nr. 1 të Korçës, ndërsa në makinë ndodhej edhe bashkëpunëtorja e tij, 24-vjeçarja A. F.
Nga kontrollet asaj iu gjet një sasi lënde e dyshuar narkotike kokainë, e ndarë në doza të gatshme për shitje, ndërsa nga verifikimet.
Dozat e kësaj lënde narkotike, automjeti dhe 1 celular u sekuestruan në cilësinë e provës materiale.
“Specialistët e Seksionit për Hetimin e Narkotikëve të DVP Korçë, në vazhdën e operacioneve me fokus goditjen e veprimtarisë kriminale të shitjes së lëndëve narkotike, në doza, në zona të ndryshme të qarkut, finalizuan operacionin policor të koduar “Night sales 5″, si rezultat i të cilit u arrestuan në flagrancë shtetasit K. F., 28 vjeç dhe A. F., 24 vjeçe, të dy banues në Korçë”, thuhet në njoftimin e policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Top Channel
