Trump bën zgjedhje të papritur, emëron Pete Hegseth si Sekretar të Mbrojtjes 27/11 15:41
Uruguai, duke u përballur me një thatësirëshumëvjeçare dhe temperatura të larta, është duke u tharë.
Situata është bërë aq e keqe sa banorët po detyrohen të pinë ujë të kripur nga çezmat dhe punëtorët po shpojnë puse në qendër të kryeqytetit për të arritur ujin nën tokë. Të hënën, presidenti Luis Lacalle Pou shpalli një “emergjencë uji për zonën metropolitane”.
Situata po dërgon valë tronditëse në këtë komb relativisht të pasur të Amerikës së Jugut, i cili prej kohësh e ka përcaktuar aksesin në ujë si një e drejtë njerëzore. Është gjithashtu një shenjë paralajmëruese për cenueshmërinë e vendeve përballë thatësirës, e cila pritet të bëhet më e shpeshtë dhe më intensive ndërsa ndryshimet klimatike përshpejtohen.
Ndikimet në Uruguaj janë të zymta. Canelón Grande, një rezervuar jetik që normalisht siguron ujë për më shumë se një milion njerëz në kryeqytetin e vendit Montevideo, është reduktuar në një fushë me baltë që vendasit tani mund ta kalojnë në këmbë.
Një tjetër, Paso Severino, i cili normalisht i shërben 60% të popullsisë së vendit me ujë të freskët, ka parë rënien më të madhe të nivelit të ujit në histori. Nivelet e ujit mund të shterohen plotësisht në fillim të korrikut, sipas raporteve të mediave lokale.
Si përgjigje, autoritetet janë detyruar të marrin një sërë masash drastike.
Top Channel
