Kërkesa e opozitës për komision hetimor për portin e Durrësit, PS e rrëzon! 23/12 13:27
Presidenti Bajram Begaj, ka uruar 24-vjetorin e çlirimit të Kosovës, në një postim në Facebook.
Ai shpreh nderimet dhe mirënjohjet për heronjtë e UÇK-së dhe i partnerëve strategjikë, SHBA dhe NATO.
“Gëzuar Ditën e Çlirimit Kosovë! Nderim përjetë heronjve të Ushtrisë Çlirimtare të Kosovës! Mirënjohje partnerëve tanë strategjikë SHBA dhe NATO!”, ka shkruar Begaj në Facebook.
24 vjet më parë në Kosovë u vendosën 50 mijë ushtarë të NATO-s dhe bashkë me ta edhe administrata e përkohshme e Kombeve të Bashkuara.
Më 12 qershor të vitit 1999, pas 78 ditë bombardimesh të Aleancës Ushtarake Perëndimore të udhëhequr nga Amerika kundër caqeve ushtarake serbo-malazeze në Kosovë në Serbi dhe Mal të Zi, trupat e NATO-s hynë në Kosovë në misionin paqeruajtës që do të quhej KFOR, duke i dhënë fund luftës gati dyvjeçare midis popullsisë kryengritëse shqiptare të organizuar në radhët e Ushtrisë Çlirimtare të Kosovës dhe forcave okupuese ushtarake dhe policore serbo-malazeze.
Top Channel
