Për herë të parë prindër, çifti i njohur i këngëtarëve shqiptarë japin lajmin e ëmbël 24/11 17:59
Sipërmarrësit e turizmit hapësinor besojnë se një ditë ne të gjithë do të zgjedhim pushimet jashtë kësaj bote, dhe ekipi që qëndron pas Moon World Resorts mendon se po ashtu – deri diku.
Ata duan të ndërtojnë një seri hotelesh gjigante të ngjashme me hënën, të ulur këtu në planetin Tokë. Më saktësisht, në Dubai.
Çdo sferë do të jetë një rikrijim 360 gradë i hënës në një shkallë të madhe, i kompletuar me kratere dhe teksturë me pamje realiste. Hëna e rikrijuar mund të jetë 224 metra.
Sipërmarrësi me bazë në Kanada, Michael R. Henderson, bashkëthemelues i Moon World Resorts, i tha për CNN Travel se thelbi i projektit është se hëna është një “markë e njohur”.
“Shtatë miliardë e gjysmë njerëz e njohin atë, të gjithë e duan atë,” thotë ai.
Sipas Henderson, çdo Moon World Resort do të jetë “një vendpushim destinacioni shumë luksoz dhe bashkëkohor, plotësisht i integruar, me shumë komponentë brenda që dikush tashmë do t’i njihte” – për shembull, një qendër konventash, restorante apo spa.
Në argëtim përfshihet edhe përvoja si është të ecësh në Hënë.
Moon World Resorts ka qenë në punë për dy dekada, një linjë kohore që Henderson, sugjeron se përputhet me ritmin më të ngadaltë të lidhur me turizmin hapësinor në përgjithësi.
Ja si mund të jetë brenda një klubi nate Moon World Resort.
Projekti vjen me “sfida të jashtëzakonshme teknike”, shpjegon Henderson, por ai dhe bashkëthemeluesja Sandra G. Matthews po punojnë me inxhinierë dhe arkitektë të pavarur për ta bërë konceptin realitet.
Qëllimi afatgjatë është të ndërtohen katër resorte në Hënë, një në Amerikën e Veriut, një në Evropë, një në Lindjen e Mesme dhe Afrikën Veriore dhe një në Azi. Moon World Resorts është një kompani licencuese.
Emiratet e Bashkuara Arabe, dhe konkretisht Dubai, janë cilësuar nga kompania si një “përparësi” për hapjen e resortit të parë Moon World. Henderson thotë se kjo është për shkak se Emiratet e Bashkuara Arabe janë “shumë të njohura për turistët” dhe shtëpia e “shumë projekteve të infrastrukturës”.
Henderson thotë se përvoja e Moon World Resort për të ecur në “sipërfaqen hënore” të resortit do t’u kushtojë mysafirëve 500 dollarë amerikanë.
Henderson shpreson se i licencuari i parë, i cili pritet të investojë 5 miliardë dollarë për ndërtimin, do të sigurohet deri në fund të vitit 2022. Ai parashikon hapjen e resortit të parë Moon World pesë vjet më vonë, në 2027.
Top Channel
