Një australian gjen gurin prej ari 4.6 kg me vlerë marramendëse

Një burrë australian me një detektor metalik ka fituar jackpot-in. Ai ka gjetur një gur 4.6 kg që përmbante ar me vlerë 240,000 dollarë Australianë (130,000 £; 160,000 dollarë).

Burri, i cili nuk dëshiron t’i përmendet emri, e bëri zbulimin në fushat e arit të Viktoria, vend më i pasur me ar në vitin 1800.

Darren Kamp, i cili vlerësoi dhe bleu këtë gur, tha se është më i madhi që ai ka parë në karrierën e tij 43-vjeçare.

“Thjesht u trondita… Është një gjetje një herë në jetë”, tha ai për BBC.

Zoti Kamp tregon se një burrë me një çantë në shpinë kishte hyrë në dyqanin e tij në Melburn dhe i tregoi gjetjen e tij.

“Ma vendosi këtë gur në dorën time dhe tha: A mendon se ka vlerën e 10,000 dollarë Australianë? Unë e pashë dhe thashë, mund ta ketë vlerë e 100,000 dollarë”, ka thënë zoti Kamp.

Burri i tregoi se kjo ishte vetëm gjysma e asaj që ka gjetur. Guri 4.6 kg përmbante rreth 2.6 kg ar.

Pasi e vlerësoi, zoti Kamp e bleu gurin prej tij. Ai ka treguar se burri që e shiti arin mezi po pret të shpenzojë të ardhurat me familjen e tij, madje kishte thënë se gruaja e tij do jetë mjaft e lumtur.

Ndërsa zbulimet si kjo janë të rralla, Australia vlerësohet të ketë rezervat më të mëdha të arit në botë dhe shumë nga copëzat më të mëdha në botë u gjetën në Australi.

Top Channel