“E merrnin me vete kudo që iknin”/ Mbajtën për katër vite trupin e foshnjës pa jetë në frigorifer, zbardhet dëshmia e çiftit: Po nderonim kujtimin e saj 18/09 14:33
Skema e ngjyrave
Madhësia e shkrimit
Të paktën 16 persona, mes tyre pesë efektivë policie, kanë humbur jetën pas shpërthimit të një automjeti të ngarkuar me eksplozivë në një xhami në veriperëndim të Pakistanit.
Ngjarja ndodhi në distriktin Kohat, në provincën Khyber Pakhtunkhwa, pranë selisë së policisë.
Sipas autoriteteve, pas shpërthimit ka nisur edhe një shkëmbim zjarri mes sulmuesve dhe forcave të sigurisë. Një prej sulmuesve është vrarë, ndërsa operacioni i shpëtimit vijon.
Kryeinspektori i policisë së Khyber Pakhtunkhwa, Zulfikar Hameed, e ka cilësuar ngjarjen si një sulm vetëvrasës. Deri tani, asnjë grup nuk ka marrë përgjegjësinë për sulmin.
Presidenti i Pakistanit, Asif Ali Zardari, shprehu ngushëllimet për viktimat dhe uroi shërim të shpejtë për të plagosurit. Edhe kryeministri Muhammad Shehbaz Sharif dënoi shpërthimin.
Sulmi vjen në një periudhë kur aktiviteti militant në zonat kufitare të Pakistanit është rritur ndjeshëm, me ushtrinë dhe policinë si objektiva të shpeshta.
Autoritetet pakistaneze kanë akuzuar militantët se përdorin baza në Afganistan për të planifikuar dhe kryer sulme në Pakistan. Qeveria talebane në Kabul i ka mohuar këto akuza dhe e ka cilësuar militantizmin si një problem të brendshëm të Pakistanit.
Top Channel
