Forcat izraelite sulmojnë një shkollë në Gaza, 15 palestinezë të vdekur dhe dhjetëra të plagosur 26/11 21:11
Ushtria ukrainase thotë se ka identifikuar një nga ushtarët e saj që duket se është ekzekutuar nga trupat ruse, në një video që ka qarkulluar në mediat sociale, duke nxitur thirrjet nga Kievi për hetim të krimeve të luftës.
Brigada e 30-të e Mekanizuar e Ukrainës tha në një deklaratë në Telegram më 7 mars se e ka identifikuar ushtarin e ekzekutuar, bazuar në të dhënat paraprake.
“Timofiy Shadura është listuar si i zhdukur që nga 3 shkurti 2023 në zonën e Bahmutit. Aktualisht trupi i ushtarakut tonë ndodhet në territorin e pushtuar përkohësisht. Konfirmimi përfundimtar i personit do të bëhet pas kthimit të trupit dhe ekzaminimeve përkatëse”, thuhet në njoftim.
Dje, autoritetet ukrainase kërkuan hetime për krime lufte, pas publikimit të një videoje në mediat sociale, e cila tregonte forcat ruse duke vrarë një të burgosur lufte ukrainas, i cili u qëllua për vdekje me armë automatike pasi tha: “Lavdi Ukrainës”.
Sipas Konventave të Gjenevës, të vitit 1949, të cilat i kanë nënshkruar Rusia dhe Ukraina, tortura, shkaktimi i qëllimshëm i plagëve, vrasja e të burgosurve të luftës, shënjestrimi i qëllimshëm i popullatës civile dhe shkatërrimi i pronës pa pasur nevoja ushtarake, konsiderohen krime lufte.
Edhe më herët Ukraina e ka akuzuar Rusinë për keqtrajtimin dhe vrasjen e të burgosurve të luftës./REL
Top Channel
