Izraeli sulmon qendrën e Bejrutit, godet një ndërtesë të banuar, 11 të vrarë dhe 60 të plagosur 23/11 13:52
Do të rindërtojmë të gjithë rajonin jugor të vendit të gjunjëzuar nga tërmetet e fuqishme të muajit të kaluar që kushtuan 46 mijë njerëzish; presidenti turk Rexhep Tajip Erdogan mori një zotim të fortë përpara popullit të tij, duke treguar se situata pas katastrofës natyrore mbetet shqetësimi më i madh i qeverisë së tij.
“Sot, ndërsa lëmë pas javën e katërt që nga tërmetet, i shohim më qartë përmasat e fatkeqësisë që përjetuam dhe ndjejmë dhimbjen e humbjeve tona më thellë”, tha Erdogan pas një takimi të kabinetit në Ankara.
11 provinca të Turqisë u goditën nga tërmetet e magnitudës 7.7 dhe 7.6 javën e parë të shkurtit. Prej tyre u prekën më shumë se 13.5 milionë njerëz në Turqi e mjaft të tjerë në veriperëndim të Sirisë. Erdogan tregoi se cili është objektivi I tij në lidhje me ata që kanë mbetur pa një kulm mbi krye dhe e shohin të ardhmen e vet sot, më të zymtë se kurrë.
“Qëllimi ynë është të fillojmë ndërtimin e 244,000 banesave dhe 75,000 shtëpive të fshatit në dy muajt e ardhshëm. Ndërtimi i 22,000 prej tyre tashmë ka ka filluar. Në total, 488,000 shtëpi të reja do të ndërtohen për të prekurit në harkun kohor të një viti“- u shpreh Erdogan.
Autoritetet turke kanë menduar edhe për nevojat më të ngutshme dhe është parashikuar që 100,000 kontejnerë të vendosen ndërkohë brenda dy muajsh në rajon.
Top Channel
