Sulm me dronë pranë kufirit me Venezuelën, gjashtë ushtarë të vrarë, dhjetëra të plagosur në Kolumbi 19/12 22:54
NATO ka identifikuar “shenja” se Kina po konsideron dhe mund të planifikojë të dërgojë armë në Rusi për të ndihmuar në luftën e saj në Ukrainë, sipas shefit të aleancës Jens Stoltenberg.
“Ne nuk kemi parë asnjë furnizim me ndihma vdekjeprurëse nga Kina për Rusinë, por kemi parë shenja që ata po e konsiderojnë dhe mund të planifikojnë për këtë, dhe kjo është arsyeja pse Shtetet e Bashkuara dhe aleatët e tjerë kanë paralajmëruar shumë qartë kundër kësaj. Dhe Kina natyrisht nuk duhet të mbështesë luftën e paligjshme të Rusisë, një shkelje e hapur e ligjit ndërkombëtar”, tha Stoltenberg.
Shefi i NATO-s tha se Kina është anëtare e Këshillit të Sigurimit të Kombeve të Bashkuara dhe lufta e Rusisë kundër Ukrainës është një shkelje e Kartës së OKB-së .
“Parimi bazë i asaj karte është të respektohet integriteti i kombeve të tjera dhe të mos marshohet dhe të pushtohet një vend tjetër me qindra mijëra trupa dhe sigurisht, Kina nuk duhet të jetë pjesë e kësaj,” tha ai.
Sekretari amerikan i Shtetit Antony Blinken tha javën e kaluar se Uashingtoni është i shqetësuar se Kina po shqyrton ofrimin e “mbështetje vdekjeprurëse” për luftën e Rusisë në Ukrainë.
Pas një takimi me kryediplomatin e Kinës Wang Yi në margjinat e Konferencës së Sigurisë së Mynihut të shtunën, Blinken tha: “Unë e paralajmërova Kinën kundër ofrimit të mbështetjes materiale për Rusinë”.
Top Channel
