“Më mirë na shani nga nëna se të thërrisni Serbi”, ish-sulmuesi i Kombëtares mbron Kosovën në mediat rumune: Do dilnin nga fusha dhe po të… 18/11 16:36
Karim Benzema dhe Toni Kroos nuk do të jenë në dispozicion të trajnerit Carlo Ancelotti për sfidën e të shtunës në La Liga kundër Osasunës.
Në ndeshjen e fundit të fituar 4-0 përball Elches, Benzema shënoi dy gola.
Ai u zëvendësua në minutën e 78′, për shkak të lodhjes muskulore që do ta mbajë jashtë në ndeshjen përballë Osasunas. Toni Kroos vazhdon të ketë probleme shëndetësore. Gjermani do të humbasë përsëri një sfidë vendimtare në kampionat.
Në konferencën për shtypin përpara takimit ndaj Osasunës, Ancelotti konfirmoi mungesat e Benzema dhe Kroos. Për sa i përket formacionit, italiani theksoi se nga minuta e parë do të luajë përsëri Rodrygo.
“Benzema nuk do të jetë në ndeshjen me Osasunën, sepse nuk duam të rrezikojmë. Ai është pak i lodhur, si shumë lojtarë të tjerë. Preferuam të mos rrezikonim. Shpresojmë të jetë me në të martën përballë Liverpoolit”, tha Ancelotti.
“Kroos është jashtë për shkak të një problemi shëndetësor, ai nuk do të jetë në dispozicion në këtë sfidë. Nga minuta e parë do të nisë përsëri Rodrygo, Gjithashtu rikthehet edhe Vinicius”, shtoi ai.
Shqetësimi kryesor i teknikut italian është ndeshja në fazën me eliminim direkt në Champions League. Kampionët do të përballen me Liverpoolin dhe Ancelotti mund të mos ketë në dispozicion dy lojtarë të formacionit titullar.
Për Benzema është një situatë e përsëritur këtë sezon, pasi fituesi i Topit të Artë ka humbur shumë ndeshje për Realin. Në La Liga, 35-vjeçari ka luajtur vetëm 13 sfida, ndërkohë që për shkak të dëmtimeve humbi edhe Kupën e Botës me Francën./ SuperSport
Top Channel
