Napoli-Arsenal, anulohet konferenca për shtyp e Artetës, ja arsyeja… 08/09 21:55
Skema e ngjyrave
Madhësia e shkrimit
Lautaro Martinez gjatë kësaj merkatoje u vu në shënjestrën e Barcelonës që hodhi sytë nga kapiteni i Interit teksa pa që u bë e pamundur të arrinte te Julian Alvarez. Por sulmuesi argjentinas që e konfirmoi interesimin e blaugranave e refuzoi këtë mundësi.
Diçka të tillë e konfirmoi edhe presidenti i kampionëve të Italisë pak përpara supersfidës me Realin e Madridit në Ligën e Kampioneve
‘Lautaro Martinez? Sjellja e tij ishte shembullore-tha Marotta-tregoi ndjenjë të fortë përkatësie duke evituar çdo lloj negociate me Barcelonën. Dy klubet patën mundësinë e një takimi, por nuk ekzistonte as hapësira më e vogël për të nisur bisedime. Lautaro përfaqëson të tashmen dhe të ardhmen e këtij klubi për të tentuar triumfet duhen futbollistë si ai’.
Beppe Marotta nuk harroi të përmendë as Jose Mourinho që tashmë ka hyrë në historinë e Interit të cilin përpara 16 vitesh e udhëhoqi drejt Tripletës së famshme të trofeve
‘Mourinho është historia e Interit. Këtu ai ka përjetuar një histori të paharrueshme-vijoi Marotta-mbetet në historinë e Interit dhe mbetet si një mësim për futbollistët dhe të gjithë ne. Edhe një herë e uroj për atë që po bën me Realin e Madridit’.
Top Channel
