Kremlini paralajmëron Perëndimin me doktrinën e re: Mund të përdorim armë bërthamore edhe kundër shteteve që nuk kanë 26/09 22:50
Policia franceze tha sot se pesë efektivë u plagosën mbrëmjen e djeshme në Paris pasi demonstruesit ndezën zjarre në rrugë dhe u përleshën me policinë pas sulmit racist me tre kurdë etnikë të vrarë nga një sulmues i armatosur në qendër të qytetit.
Pamje të rënda nga zona pranë qendrës kulturore kurse Ahmet-Kaya tregonin oficerët që ndihmonin kolegët e tyre të plagosur teksa gazi lotsjellës i policisë mbushte zonën.
Në mesditë sulmuesi William M. Hapi zjarr në një zonë të mbushur me njerëz pranë stacionit qendror Gare du Nord disa ditë pasi ishte liruar me kusht për një tjetër tentativë vrasjeje raciste ndaj dy emigrantëve vitin e kaluar.
Një grua e dy burra u vranë dhe tre të tjerë janë plagosur, ndërsa skena të frikshme paniku u panë në rrugët e kryeqytetit francez.
Një qytetar i guximshëm ndërhyri për t’i marrë sulmuesi pistoletën kalibër 22 duke i dhënë fund sulmit. Vrasësi u identifikua si një ish-shofer treni në pension.
Policia është duke kontrolluar shtëpinë e sulmuesit teksa autoritetet përpiqen të qetësojnë shqetësimet e komunitetit pas revoltës dhe shqetësimeve se nuk është bërë asgjë për të parandaluar tragjedinë.
Demonstruesit e revoltuar goditën policinë me objekte, ndërsa oficerët u kunderpërgjigjën me gaz lotsjellës ndaj turmave të mbledhura në distancë të shkurtër nga vendi i vrasjeve.
Një nga tre të plagosurit është në gjendje më të rëndë kurse dy të tjerët janë të stabilizuar sipas mjekëve.
Vrasësi kishte tërhequr me herët vëmendjen e policisë kur kishte sulmuar një kamp refugjatësh në dhjetor të vitit të shkuar.
Top Channel
